Poder empresarial en Galicia

O volume 64 do Proxecto Galicia é o quinto e último da serie de Economía. Medio centenar de autores colaboraron na elaboración da serie, entre os que se atopan expertos na materia, profesores de universidade e catedráticos, co obxectivo de recoller unha visión de Galicia que reflicta os trazos do seu funcionamento e comportamento e tamén a vontade de colaborar para resolver as múltiples, variadas e complexas solucións aos problemas actuais e algúns que se presaxian. Da man de Fernando González Laxe, José Luis Gómez e Julián Rodríguez Moscoso, "Poder empresarial en Galicia" constitúe unha radiografía dos principais grupos empresariais de capital galego e con presencia en Galicia. Estructúrase en oito grandes capítulos que repasan a historia, as estrategias e o futuro dos grandes motores de crecimento dunha economía emergente. Galicia configúrase xa como un polo imprescindible para coñecer a realidade empresarial española. Compañías que son multinacionais, líderes nos seus respectivos sectores, e que afrontaron ambiciosos procesos de internacionalización, conforman o grueso dun tecido productivo que se empeña en converter en historia un tópico, o do illamento, vinculado durante décadas á economía galega. Os capítulos son: 1. Análise da competitividade empresarial de Galicia 2. De Holdings familiares a multinacionais 3. Chegan a innovación e os grupos emerxentes 4. Un sistema financeiro histórico 5. A agroalimentación pecha o ciclo 6. A hora da Enerxía 7. Motores de crecemento 8- A asimilación de capital foráneo